Kur mori vendim për t’ia rritur pagën vetit në 2.950 euro, kryeministri Ramush Haradinaj, asokohe, rritjen e pagave e arsyetonte jo vetëm përse e kishte më të vogël se drejtuesit e disa agjencive të pavarura, por edhe si nevojë për të blerë kravata.

Këtë vendim të tij doli dhe e refuzoi ministri i qeverisë që ai po udhëheq.

Bedri Hamza, i cili tani ka postin e Ministrit të Financave në Qeverinë Haradinaj, tregoi dhe dëshmoi se është njeri larg mbi nivelin e standardeve morale të kësaj qeverie, duke i përfshirë këtu edhe njerëzit e partisë se tij.

Ministri i ri i Financave dhe guvernatori i deritanishëm i Bankës Qendrore të Kosovës, gjatë ditë së djeshme ka refuzuar së bashku me stafin e tij politik të pranoj pagën me rritje. Ai ka qenë kundër vendimit të kryeministrit Ramush Haradinaj për rritjen e pagës qysh nga momenti kur lajmi ka dal në opinion.

Kryeministri Haradinaj e goditi Hamzën me një deklaratë duke thënë se nuk po kallëzon burrni që nuk po e merr pagën me rritje.

Do të duhet të ishte e kundërta në këtë rast, të përkrahej dhe të pasohej edhe nga ministrat tjerë të kësaj qeverie. Ku mbetën kolegët e tij ministra…? Pse asnjërit nga ta nuk iu dëgjua zëri dhe nuk e ndjekin shembullin e ministrit Hamza..!? A janë po këta ministra që nga foltorja e Kuvendit e kanë gojën plot me deklarata, ta ruajmë paranë publike, të punojmë për interesa të popullit. Nëse e keni përnjëmend për popull refuzojeni edhe ju pagën me rritje, dilni në krah ministrit Hamza, përkraheni në qëllimin e tij, pse po heshtni tani! Ku e keni hallin..!? Por ju nuk e keni përnjëmend, kurse ministri Hamza po. Thjesht ai edhe më herët e ka dëshmuar këtë.

Por pse po refuzon rritjen e pagave ministri Hamza..? Kryeministri duhet ta dijë se është pikërisht Hamza që la pozitën e Guvernatorit të Bankës Qendrore (BQK) me pagë të lartë prej gati 5 mijë euro në muaj dhe pranoj pozitën e ministrit me pagë 3 herë më të vogël. Pra ky refuzim duhet parë në aspektin moral e jo të inateve siç kryeministri u përgjigj në momenti që kuptoj se Hamza nuk po pranon vendimin e tij.

Sigurisht që ministri i ka dy mundësi para vetës, të jap dorëheqje për shkak te këtij konflikti, ose të vazhdoj me qëndrua aty ku është, edhe kohe pas kohe me e bo dallimin për të mirë.

Për të mirën e shoqërisë dhe kësaj qeverie ministria Hamza bën mirë të qëndroj aty, edhe bën shumë shumë mire kur e distancon veten prej gabimeve trashanike të kësaj qeverie, ose më saktë thënë të këtij kryeministri.

Siç kishte pohuar Hamza, një ndër arsyet kryesore përse po e ndërron vendin e punës nga BQK të kaloj ministër ishte fakti se ai ka dëshirë ta sfidojë veten dhe nuk i pëlqejnë “punët e lehta”.

“Si rezultat i rrethanave të reja unë kam dhënë dorëheqje, të cilën ua kam prezantuar bordit dhe presidentit”, kishte deklaruar Hamza.

Pra edhe kryeministri Haradinaj duhet kuptuar në thelb arsyen dhe qëllimin e ministrit Hamza, se për çka është aty, pra për të sfiduar vetën me punë më të rënda.

Gjykata Kushtetuese ka thënë se vendimi për rritjen e pagave nuk bie ndesh me Kushtetutën.

Qeveria më 20 dhjetor të vitit 2017 kishte marrë vendim për rritjen e pagave për kryeministrin, zëvendëskryeministrat, ministrat dhe pjesën tjetër të kabinetit qeveritar. Haradinajt nga 1443 euro paga iu dyfishua në 2950 euro.

Asokohe, Haradinaj rritjen e pagave e arsyetonte jo vetëm përse e kishte më të vogël se drejtuesit e disa agjencive të pavarura, por edhe si nevojë për të blerë kravata.